வாழைப்பழ ரொட்டி

TO VIEW IN ENGLISH : CLICK

வணக்கம்,
வாழைப்பழ ரொட்டி ! வாழைப்பழம் நன்றாக பழுத்து விட்டால் என் வீட்டில் யாரும் சாப்பிடமாட்டார்கள் ,அதனால் என் அம்மா நன்றாக பழுத்த வாழை பழத்தில் வடை செய்வார்கள் அனால் நான் அதில் பிரட் செய்துவிடுவேன் .
வாழை பழம் பிடிக்காத என் கணவருக்கு இந்த பிரட் மிகவும் பிடிக்கும்.
மேலும் இந்த பிரட் செய்வது மிகவும் எளிது , முட்டை தேவையில்லை , நன்றாக அடிக்கவேண்டும் என்ற கவலை இல்லை,கோதுமை மாவில் சுலபமாக சீக்கிரம் செய்யலாம்.
ஆரோகியமான ,சுவையான வாழைப்பழ ரொட்டி செய்முறை உங்களுக்காக ,
தேவையானவை :
கோதுமை மாவு – 1/2 கப் .
மைதா – 1 கப் .
வாழைப்பழம் அடித்து கூழாக்கியது – 3/4 கப் ( 2 அல்லது 3   பெறிய வாழைப்பழம் போதுமானது ).
சர்க்கரை – 1/2 கப்.
வெண்ணிலா எசென்ஸ்  -1 தேக்கரண்டி .
உப்பு – சிறிது .
பேக்கிங்  பவுடர்  – 1 1/2 தேக்கரண்டி 
உருகிய வெண்ணை  or எண்ணெய் – 1/2 கப்.
செய்முறை :
௧) ஓவென்ஐ 170 ” சி – 30 நிமிடம்  ப்ரீ-ஹீட் செய்யவும்.
௨) கோதுமை மாவு,மைதா, உப்பு , பேக்கிங் பவுடர் ஆகிய அனைத்தையும் ஒன்றாக சலித்து கலக்கவும்.

௩) வாழைப்பழத்தை தண்ணீர் சேர்க்காமல் மைய அரைத்துக்கொள்ளவும்.

௪) ஒரு பாத்திரத்தில் சர்க்கரை , வெண்ணை (அ) எண்ணெய் , வெண்ணிலா ஆகியவற்றை சேர்த்து நன்றாக கலக்கவும்.

௫) அத்துடன் அடித்த வாழைப்பழத்தை சேர்த்து நன்றாக கலக்கவும்.

௬) பின்பு மாவு கலவையை சேர்த்து ஒன்றாக கலங்கும்படி கலக்கவும்.

௭) அத்துடன் வெண்ணை தடவி , மாவு தூவிய பாத்திரத்தில் ஊற்றி 30 நிமிடம் அல்லது கத்தி சுத்தமாக வரும்வரை  பேக் செய்யவும்.

௮) சூடான வாழைப்பழ ரொட்டி சுவையாக இருக்கும் , இறுக்கமான டப்பாவில் அடைத்து 4 நாட்கள் வரை சுவைக்கலாம்.

குறிப்பு :
௧) மைதாவிற்கு பதில் கோதுமை மாவும் சேர்க்கலாம்.
௨) வெண்ணைக்கு பதில் எண்ணையும் சேர்க்கலாம் ,ஆனால் வெண்ணை சுவை நன்றாக இருக்கும்.

உருளைக்கிழங்கு பிரட் டோஸ்ட்

TO VIEW IN ENGLISH : PLS CLICK

வணக்கம் ,
உருளைக்கிழங்கு பிரட் டோஸ்ட் ! நான் இப்பொழுதெல்லாம் சீக்கிரம் செய்யக்கூடிய காலை உணவுகள் பல செய்கிறேன்.

சிலநாட்களுக்கு முன்பு காலையில் எழுவத்திற்கு நேரமாகிவிட்டது , எனது மகளின் பள்ளி ஆரம்பிப்பதற்கு அரைமணிநேரம் முன்புதான் எழுந்தேன்.
அதனால் சீக்கிரம் செய்யக்கூடிய இந்த பிரட் டோஸ்ட் செய்தேன்,20 நிமிடத்தில் செய்துவிட்டேன்.
சுலபமான ,சீக்கிரம் செய்யக்கூடிய பிரட் டோஸ்ட் செய்முறை உங்களுக்காக ,
செய்யும் நேரம் : 20 நிமிடங்கள்.
நபர்கள் : 2 .
தேவையானவை:
பிரட் துண்டு – 4 துண்டுகள்
உருளைக்கிழங்கு -2
வெங்காயம் -1
பச்சை மிளகாய் – 2
குடை மிளகாய் – 1
உப்பு – தேவையானஅளவு
நெய் -2 தேக்கரண்டி
கடுகு – 1/8தேக்கரண்டி
மிளகாய் தூள் – 1/2 தேக்கரண்டி
மஞ்சள் தூள் -1/8 தேக்கரண்டி
கருவேப்பிலை – சிறிது
மல்லியிலை – சிறிது
செய்முறை :
அ) உருளைக்கிழங்கை குக்கர்இல் தேவையானஅளவு தண்ணீர் சேர்த்து ,1 தேக்கரண்டி உப்பு சேர்த்து 3 விசில் விடவும்.
ஆ) வெந்த உருளைக்கிழங்கை தோல் உரித்து ,நன்றாக மசித்துக்கொள்ளவும்.

இ) வெங்காயம் ,குடை மிளகாய் , மிளகாய் ,கருவேப்பிலை , மல்லி ஆகியவற்றை சிறுதுண்டுகளாக நறுக்கிக்கொள்ளவும்.

ஈ) கடாயில் 1 தேக்கரண்டி நெய் சூடாக்கி , கடுகு ,பச்சை மிளகாய் ,வெங்காயம்,குடை மிளகாய் சேர்த்து பொன்னிறமாக வதக்கவும்.

உ) இத்துடன் மசித்த உருளைக்கிழங்கை சேர்த்து ,மஞ்சள் தூள் , மிளகாய் தூள்,கருவேப்பிலை , மல்லியிலை ,உப்பு சேர்த்து நன்றாக கலக்கவும்.
ஊ) தோசை கல்லை சூடாக்கி , நெய் தடவி ,பிரட் துண்டை வைத்து ,அதன் மேல் 2 தேக்கரண்டி உருளைக்கிழங்கு மசியலை வைத்து சமமாக தடவவும்.

எ) மேலே நெய் தடவி , 30 நொடிகள் வேகவிட்டு , திருப்பிப்போட்டு 30 நொடிகள் வேகவிட்டு , கல்லில் இருந்து எடுத்து சூடாக பரிமாறவும்.

சைனீஸ் பிரட் பாக்கெட்

TO VIEW IN ENGLISH : PLS CLICK

வணக்கம் ,
சைனீஸ் பிரட் பாக்கெட்! இந்த எளிதான ஸ்னாக் செய்முறையை நான் ஒரு சமையல் புத்தகத்தில் கண்டேன்.குழந்தைகளை காய்கறிகள் சாப்பிடவைக்க இது ஒரு எளிமையான வழியாக இருந்ததால் செய்தேன்.
புத்தகத்தில் சுட்ட பிரட்ஐ தண்ணீரில் நனைத்து செய்யவேண்டும் என்று குறிப்பிட்டுருந்தது ஆனால் தண்ணீரில் நனைத்தால் எண்ணெய் அதிகமாக பிடிக்கும் என்பதால் நான் தண்ணீரில் நனைக்காமல் செய்தேன்.
சுலபமாக செய்யக்கூடிய சைனீஸ் பிரட் பாக்கெட் செய்முறை உங்களுக்காக ,
தேவையானவை :
துருவிய காய்கறிகள் – 3கப் ( நான் கேரட் , கோஸ் , பீட்ரூட் சேர்த்தேன் ).
வெங்காயம் – 1
நெய் – 2தேக்கரண்டி.
வெண்ணை – 1தேக்கரண்டி.
உப்பு – தேவையானஅளவு.
மிளகாய் பொடி – 1 தேக்கரண்டி
கரம் மசாலா -1 தேக்கரண்டி.
மஞ்சள் பொடி – 1தேக்கரண்டி .
பிரட் – 10துண்டு
எண்ணெய் – பொரிப்பதற்கு.
செய்முறை :
அ) காய்கறிகளை மெலிதாக துருவிக்கொள்ளவும்.வெங்காயத்தை சிறிய துண்டுகளாக நறுக்கிக்கொள்ளவும்.

ஆ) வாணலியில் நெய் சூடாக்கி , துருவிய காய்கறிகளை சேர்த்து அதிக சூட்டில் வதக்கவும், காய்கறிகள் நன்றாக வதங்கி ,ஆனால் சிறிது முறுமுறுப்பாக இருக்கவேண்டும்.
இ) இப்பொழுது உப்பு , மஞ்சள் பொடி , மிளகாய் பொடி , கரம் மசாலா சேர்த்து நன்றாக கலக்கி பச்சை வடை போகும் வரை வதக்கி , அடுப்பில் இருந்து இறக்கவும்.
உ) பிரட் துண்டுகளின் ஓரங்களை வெட்டிவிட்டு ,தோசைக்கல்லில் வெண்ணை தடவி ,பிரட் துண்டுகளை இரு பக்கமும் பொன்னிறமாக சுட்டு எடுக்கவும்.
ஊ) ஆரிய பின்பு பிரட் துண்டுகளின் மேல் வதக்கிய காய்கறிகளை 2 தேக்கரண்டி வைத்து ,மேலே இன்னுமொரு பிரட் துண்டை வைத்து ,ஈர விரல்களால் ஓரங்களை அமுக்கி ஒட்டிவிடவும்.

எ) விரல்களை தண்ணீரில் நனைத்து ,பிரட் ஓரங்களை அமுற்றினால் பிரட் ஓரங்கள் இரண்டும் ஒட்டிக்கொள்ளவும்.
ஏ) வாணலியில் எண்ணெய் சூடாக்கி , ஒட்டிய பிரட் துண்டுகளை மெதுவாக போட்டு பொறித்துஎடுக்கவும்.
ஐ) சூடான பிரட் பாக்கெட் , தக்காளி கெட்சுப்உடன் சுவைக்க நன்றாக இருக்கும்.