பாரம்பரிய ரோஸ் குல்பி

பாரம்பரிய ரோஸ் குல்பி

Posted in : JELLIES AND PUDDINGS on June 27, 2017 by : Saranya Arun Tags: ICECREAMS, KULFI, ROSE KULFI, TRADITIONAL RECIPES, TRADITIONAL ROSE KULFI

TO VIEW IN ENGLISH : PLS CLICK

வணக்கம் ,
பாரம்பரிய ரோஸ் குல்பி! நான் எளியமுறை குல்பி செய்முறை முப்பே போஸ்ட் செய்துள்ளேன்.இது பாரம்பரிய முறைப்படி செய்யும் குல்பி , கிரீம் சேர்த்து செய்யும் குல்பி சுவைக்க நன்றாக இருந்தாலும் இந்த பாரம்பரிய முறைப்படி செய்யும் குல்பியின் சுவைக்கு ஈடாகாது.
செய்முறை உங்களுக்காக கிழே ,
தேவையானவை :
பால் – 1லிட்டர்
சர்க்கரை – 5தேக்கரண்டி
ஏலம் – 3
பாதாம் – 2தேக்கரண்டி
பிஸ்தா -2 தேக்கரண்டி
சோளமாவு (கார்ன்மாவு) – 1தேக்கரண்டி
கொண்டென்ஸ்ட் மில்க் – 2தேக்கரண்டி
ரோஸ் வாட்டர் -1 தேக்கரண்டி
ரோஸ் எசென்ஸ் -1/8 தேக்கரண்டி
செய்முறை :
அ) பால் பொங்கும் வரை காய்ச்சவும், பிறகு குறைந்த சூட்டில் பாதியாகும் வரை கொதிக்கவிடவும்.

ஆ) பால் சுண்டும் நேரத்தில் , பாதாம் , பிஸ்தா ஆகியவற்றை கரகரப்பாக அரைத்துக்கொள்ளவும்.
இ) ஏலம் பொடிசெய்துகொள்ளவும்.
ஈ) சோளமாவை 1 தேக்கரண்டி பாலில் கறைத்துவைத்துக்கொள்ளவும்.

உ) பால் பாதியாக சுண்டியவுடன் , சோளமாவு கலவை , சர்க்கரை , கொண்டென்ஸ்ட் மில்க் சேர்த்து , கிளறிக்கொண்டே இருக்கவும்.

ஊ) பால் கெட்டியாகி கிரீம் பதத்திற்கு வந்தவுடன் , பொடித்த நட்ஸ் , ஏலம் சேர்த்து கலக்கி இறக்கவும்.
எ) அத்துடன் ரோஸ் வாட்டர் , எசென்ஸ் சேர்த்து கலக்கி , ஆறவிடவும்.

ஏ) ஆறியவுடன் பாத்திரத்தில் ஊற்றி,சிறிது நட்ஸ் மேலே தூவி , பிரிட்ஜ்ல் 8 மணிநேரம் அல்லது குல்பி கெட்டியாகும் வரை வைக்கவும்.

குறிப்பு :
அ) பாலை கிரீம் பதத்திற்கு காய்ச்சவும் , அதிகம் கெட்டியாக இருந்தால் பால்கோவா போலிருக்கும் , தண்ணியாக இருந்தால் ஐஸ்கட்டி போலிருக்கும்.

குல்பி (சுலபமான முறை)

குல்பி (சுலபமான முறை)

TO VIEW IN ENGLISH : PLS CLICK

வணக்கம் ,
குல்பி (சுலபமான முறை) ,குல்பி பாரம்பரிய முறைப்படி செய்வது மிகவும் சுவையாக இருக்கும்.ஆனால் அதற்கு அதிக நேரம் எடுக்கும் , இந்த முறை குல்பி செய்வது மிகவும் சுலபம் , செய்யும் நேரம் குறைவு.
பாரம்பரிய முறைப்படி செய்முறை பின்னர் போஸ்ட் செய்கிறேன் ,
இப்பொழுது சுலபமான முறை உங்களுக்காக ,
தேவையானவை :
முழு கொழுப்பு பால் – 1/2 லிட்டர்.
ஏலம் – 2
பொடிசெய்த நட்ஸ் -2 மேஜைக்கரண்டி
நறுக்கிய நட்ஸ் – 2 தேக்கரண்டி .
சர்க்கரை – 2 மேஜைக்கரண்டி
விப்பேட் கிரீம் – 2 மேஜைக்கரண்டி
விப்பிங் கிரீம் – 1 மேஜைக்கரண்டி
செய்முறை :
அ) பாலை நன்றாக காய்ச்சி பொங்கவிடவும் , பின்னர் நெருப்பை குறைத்து , குறைத்த சூட்டில் பாலை சுண்டவைக்கவும்.பால் அடிபிடிக்காமல் இருக்க இடையில் கிளறிக்கொண்டே இருக்கவும் .

ஆ) பால் பாதியாக குறைந்தவுடன் ,சர்க்கரை , பொடித்த ஏலம் ,பொடி செய்த நட்ஸை சேர்த்து கொதிக்கவைக்கவும் .

இ) பால் நன்றாக சுண்டி 1 / 4 பங்கானப்பிறகு , விப்பிங் கிரீமை சேர்த்து கலக்கவும் .

ஈ) பால் குழம்பு பதத்திற்கு வந்தவுடன் அடுப்பில் இருந்து இறக்கி ஆறவிடவும்.

உ) ஆறியபிறகு நறுக்கிவைத்துள்ள நட்ஸில் பாதியையும் , விப்பேட் கிரீமையும் சேர்த்து கலக்கி , கப்பில் ஊற்றி பிரீஸிரில் 8 மணிநேரம் அல்லது கெட்டியாகும் வரை வைக்கவும் .

 ஊ) பின்னர் கப்களை தண்ணீரில் ஒரு நிமிடம் மூழ்கவைத்து எடுத்து , குல்பிகளை வெளியே எடுக்கவும் .தண்ணீரில் முல்கிவைப்பதால் குல்பி சுலபமாக வெளியே வரும் .
எ) மீதியிருக்கும் நட்ஸை தூவி சுவைக்கவும் .