கேரட் தக்காளி ஜூஸ்
TO VIEW IN ENGLISH : CLICK
வணக்கம் ,கேரட் தக்காளி ஜூஸ் ! இது ஒரு சத்தான , சுலபமான, வெயிலுக்கு ஏற்ற , டயட் ஜூஸ் .
எனக்கு தக்காளி பிடிக்கும் என்பதால் ஒரு கேரட் மற்றும் சேர்த்தேன் .நீங்கள் கேரட் அதிகமாகவும் சேர்க்கலாம்.மேலும் நான் சர்க்கரை சேர்க்காமல் குடிப்பேன் , நீங்கள் வேண்டுமானால் சர்க்கரை அல்லது தேன் சேர்த்துக்கொள்ளலாம்.
செய்முறை கீழே,
தேவையானவை :
பழுத்த தக்காளி – 3 .
கேரட் – 1 .
கிராம்பு – 2 .
சர்க்கரை – 3 தேக்கரண்டி ( தேவையென்றால் ).
செய்முறை :
அ) கேரட்ஐ நன்றாக கழுவி , சிறு துண்டுகளாக நறுக்கிக்கொள்ளவும்.
ஆ) நறுக்கிய கேரட் மற்றும் கிராம்பு இரண்டையும் மிக்ஸியில் போட்டு நன்றாக அரைத்துக்கொள்ளவும்.
இ) அத்துடன் தக்காளி சேர்த்து அரைத்து , வடித்து பருகவும்.
ஈ) தேவையென்றால் சர்க்கரை சேர்த்து பருகலாம் .
குறிப்பு :
அ) அரைத்தவுடன் குடித்துவிடவும் , பிரிட்ஜ்ல் வைத்தால் சுவை சற்று மாறிவிடும்.
ஆ) வடிகட்டியபின்பு சக்கையை , எண்ணெய் விட்டு தாளித்து , உப்பு ,மிளகாய் போடி சேர்த்து கொதிக்கவைத்து சட்னியாக பரிமாறலாம்.
இ) கேரட்ஐ அதிகப்படுத்திக்கொள்ளலாம்.
