முள்ளங்கிசட்னி

TO VIEW IN ENGLISH : PLS CLICK

வணக்கம் ,
முள்ளங்கிசட்னி ! பெரும்பாலான காய்களில் நாம் சட்னி அரைக்கலாம் .
காய்கள் சட்னி செய்வதற்கும் மிகவும் சுலபம் , சத்தானது மேலும் சுவையானது.
இந்த சட்னி இட்லி , தோசை ,சப்பாத்தியுடன் சுவைக்க நன்றாக இருக்கும்.
சுவையான முள்ளங்கி சட்னி செய்முறை உங்களுக்காக ,
செய்யும் நேரம் : 20 நிமிடம் .
நபர்கள் : 2
தேவையானவை :
முள்ளங்கி – 1கப்
கடலை பருப்பு – 1தேக்கரண்டி
உளுந்தம் பருப்பு -1 தேக்கரண்டி .
வரமிளகாய் – 2
தேங்காய் -1 தேக்கரண்டி
புளி – 1துண்டு
உப்பு – தேவையானளவு
எண்ணெய் -2 தேக்கரண்டி .
செய்முறை :
அ) முள்ளங்கி தோல் சீவி , சிறு துண்டுகளாக நறுக்கிக்கொள்ளவும்.

ஆ) வாணலியில் 1 தேக்கரண்டி எண்ணெய் சூடாக்கி , நறுக்கிய முள்ளங்கியை சேர்த்து குறைந்த சூட்டில் பச்சை வாடை நீங்கி , பொன்னிறமாகும் வரை வதக்கவும்.

இ) வதங்கிய முள்ளங்கியை ஒரு தட்டிற்கு மாற்றிவிட்டு , அதே வாணலியில் மீதமிருக்கும் ஒரு கரண்டி எண்ணையை சேர்த்து , கடலை பருப்பு ,உளுந்தம் பருப்பு , வரமிளகாய் சேர்த்து பொன்னிறமாக வறுக்கவும்.

ஈ) வறுத்த பொருட்கள் அனைத்தையும் முள்ளங்கியுடன் சேர்த்து , உப்பு , புளி சேர்த்து ,மைய அரைத்துக்கொள்ளவும்.

உ) இட்லி , தோசை , சப்பாத்தியுடன் பரிமாறலாம்..       

போண்டா சட்னி

போண்டா சட்னி

TO VIEW IN ENGLISH : PLS CLICK

வணக்கம்,
போண்டா சட்னி ! நான் முன்பே பீட்ரூட் போண்டா போஸ்டில் போண்டா சட்னி பற்றி கூறியிருந்தேன், அதன் செய்முறை இன்று உங்களுக்காக .இந்த போண்டா சட்னி எங்கள் வீட்டின் அருகில் உள்ள ஒரு கடையில் போண்டா , பஜ்ஜியுடன் வாழையிலையில் கொடுப்பார்கள் . அதே போல் சட்னி நான் வீட்டில் செய்யவேண்டும் என்று நினைத்துக்கொண்டிருந்தேன் , ஒரு நாள் தொலைக்காட்சியில் இந்த சட்னி செய்து காட்டினார்கள் .அன்றிலிருந்து போண்டா செய்தால் இந்த சட்னி இல்லாமல் செய்வதில்லை.
5 நிமிடத்தில் செய்யக்கூடிய ,சுவையான போண்டா சட்னி செய்முறை உங்களுக்காக ,
செய்யும் நேரம் : 5 நிமிடம் .
நபர்களுக்கு : 3
தேவையானவை :
வெங்காயம் – 1பெரியது
துருவிய தேங்காய் – 2தேக்கரண்டி
வெல்லம் -1/2 தேக்கரண்டி
வரமிளகாய் -2
புளி – 1″துண்டு .
உப்பு – தேவையானளவு
நல்லெண்ணெய் – 2தேக்கரண்டி
கடுகு -1/4 தேக்கரண்டி
வரமிளகாய் – 1
செய்முறை :
அ) வெங்காயம் , மிளகாய் , தேங்காய் ,வெல்லம் , புளி , உப்பு ஆகியவற்றை அரைத்துக்கொள்ளவும் .
ஆ) வாணலியில் என்னை சூடாக்கி ,கடுகு , வரமிளகாய் சேர்த்து வதக்கி , அரைத்த சட்னியுடன் சேர்த்து கலக்கி பரிமாறவும்.

இ) பஜ்ஜி , போண்டா , காரதோசை ஆகியவற்றுடன் நன்றாக இருக்கும்.

கடலை பருப்பு சட்னி

 கடலை பருப்பு சட்னி

TO VIEW IN ENGLISH : PLS CLICK

வணக்கம் ,
சென்ற வாரம் , எனது வீட்டில் சட்னி செய்வதற்கு ஒன்றுமே இல்லை , ஒரு சிறிய தக்காளி ,மற்றும் சில பூண்டு மட்டுமே இருந்தது .அதனால் கடலை பருப்பு சட்னி செய்தேன் .
மிகவும் சுலபமான சட்னி செய்முறை உங்களுக்காக ,
தேவையானவை :
கடலை பருப்பு – 2 தேக்கரண்டி .
உளுந்தம் பருப்பு – 1 தேக்கரண்டி .
தக்காளி – 1 சிறியது .
பூண்டு – 4 பல்.
வரமிளகாய் – 2 .
உப்பு – தேவையானவை .
பெருங்காயப்பொடி – 1 / 8 தேக்கரண்டி .
தேங்காய் – 2 தேக்கரண்டி ( தேவையென்றால் சேர்க்கலாம் ).
நல்லெண்ணெய் – 1 தேக்கரண்டி .
தாளிப்பதற்கு :
நல்லெண்ணெய் – 1 தேக்கரண்டி .
கடுகு – 1 / 8 தேக்கரண்டி .
கருவேப்பில்லை – சிறிது .
உளுந்தம் பருப்பு – 1 / 2 தேக்கரண்டி .
வரமிளகாய் – 1 .
செய்முறை :

அ) வாணலியில் சிறிது எண்ணெய் சூடாக்கி கடலை பருப்பு , உளுந்தம் பருப்பு,வரமிளகாய் , பூண்டு சேர்த்து , குறைந்த சூட்டில் பொன்னிறமாக வறுக்கவும்.

ஆ) இறுதியாக பெருங்காயப்பொடி சேர்த்து அடுப்பில் இருந்து இறக்கவும்.

இ) வாணலியில் நறுக்கிய தக்காளி சேர்த்து நன்றாக வதக்கவும்.

ஈ) முதலில் பருப்பு கலவையை கரகரப்பாக அரைக்கவும்.அத்துடன் வதக்கிய தக்காளியை சேர்த்து அரைக்கவும்.

உ) மிகவும் மைய அரைக்காமல் சிறிது கரகரப்பாக அரைத்துக்கொள்ளவும்.
ஊ) வாணலியில் சிறிது எண்ணெய் சூடாக்கி கடுகு , கருவேப்பில்லை , உளுந்தம் பருப்பு , வரமிளகாய் சேர்த்து பொன்னிறமாக வறுத்து சட்னியுடன் சேர்த்து கலக்கி பரிமாறவும்.
 
குறிப்பு :
அ) குறைந்த சூட்டில் எப்பொழுதும் வறுக்கவேண்டும்.
ஆ) தக்காளிக்கு பதில் புளியும் சேர்க்கலாம்.
இ) தேங்காய் சேர்ப்பதாக இருந்தால் ,அரைக்கும் பொழுது சேர்க்கலாம்.

பூண்டு சட்னி

பூண்டு சட்னி

TO VIEW IN ENGLISH : PLS CLICK HERE
வணக்கம் ,
பூண்டு சட்னி !! வெங்காயம் மற்றும் பூண்டு பிரியர்களுக்கு இந்த சட்னி மிகவும் பிடிக்கும்.எளிமையான ,மிகுந்த குறைந்த நேரத்தில் செய்யகூடியே சட்னி.
காரசாரமான , சுவையான பூண்டு சட்னி ரெசிபி உங்களுக்காக ,
தேவையானவை :
வெங்காயம் – 3 ( பெரியது ).
வர மிளகாய் – 5 .
புளி – கோலியுருண்டை அளவு.
பூண்டு – 7 பல்.
உப்பு – தேவையானஅளவு.
நல்லெண்ணெய் – 3 டீஸ்பூன்.
செய்முறை :
௧) வாணலில் 1 டீஸ்பூன் என்னை ஊற்றி வெங்காயம் , மிளகாய் போட்டு நன்றாக பொன்னிறம் வரும்வரை வதக்கவும்.அடுப்பில் இருந்து இறக்கி ஆறவிடவும்.
௨) இத்துடன் பூண்டு , புளி ,உப்பு சேர்த்து அரைத்துக்கொள்ளவும்.

௩) அரைத்த சட்னியுடன் , 2 டீஸ்பூன் எண்ணெய் ஊற்றி பரிமாறவும்.

௪) நான் இந்த சட்னியை அரிசி அவல் தோசையுடன் பரிமாறினேன்.நீங்கள் இட்லியுடன்,அல்லது சப்பாத்தியுடன் பரிமாறலாம். 

இஞ்சி பூண்டு தொக்கு

TO VIEW IN ENGLISH : PLS CLICK

வணக்கம் ,

இஞ்சி பூண்டு  தொக்கு ! இந்த ரெசிபியை Betterbutter குழுமத்தில் பாலா திரு அவர்களிடம் இருந்து கற்றுக்கொண்டேன். மிகவும் எளிமையாக , ஜீரணத்திற்கு மிகவும் நன்மையான தொக்கு.

ஆரோகியமான இஞ்சி பூண்டு தொக்கு செய்முறை உங்களுக்காக ,

சமைக்கும் நேரம் : 15 நிமிடம்
நபர்கள் : 3 

தேவையானவை :

இஞ்சி 1”- 7 துண்டு

பூண்டு - 1/8 கப்

காய்ந்த மிளகாய் - 3

மஞ்சள் தூள் -1/2 தேக்கரண்டி

புளி- எலுமிச்சை அளவு

வெல்லம் - எலுமிச்சை அளவு

உப்பு - தேவையானளவு

நல்லெண்ணெய் / தேங்காய் எண்ணெய்/ நெய் - 2 தேக்கரண்டி

கடுகு - 1தேக்கரண்டி .

செய்முறை :

அ) இஞ்சி , பூண்டு , புளி , மஞ்சள் , மிளகாய் , உப்பு அகையவற்றை சிறிது கரகரப்பாக அரைத்துக்கொள்ளவும்.

ஆ) வாணலியில் எண்ணெய் சூடாக்கி , கடுகு , அரைத்த விழுது , வெல்லம் சேர்த்து , எண்ணெய் பிரிந்து வரும்வரை வதக்கி இறக்கவும்.

இ) சூடான இட்லி,தோசை, சப்பாத்திஉடன் பரிமாற நன்றாக இருக்கும் .

ஈ) பிரிட்ஜ்ல் வைத்து ஒரு வாரம் வரை உபோயோகப்படுத்தலாம்.