கோதுமை பட்டுரா

கோதுமை பட்டுரா

TO VIEW IN ENGLISH : PLS CLICK

வணக்கம் ,
கோதுமை பட்டுரா ! எனது சகோதரி பட்டுரா நன்றாக செய்வார்கள் , நான் பட்டுரா செய்முறையை அவர்களிடம் இருந்து கற்றுக்கொண்டேன் .பட்டுரா மைதா மாவில் தான் செய்வார்கள் ,நான் கோதுமை மாவில் செய்தேன்.
பட்டுரா கடலை கறியுடன் பரிமாறுவார்கள் ,நான் பூண்டு காளான் கறிஉடன் பரிமாறினேன்.
சுவையான கோதுமை பட்டுரா செய்முறை உங்களுக்காக !
எனது மற்ற பூரி ரெசிபிகள் :
அ) கார பூரி.
ஆ) குபூஸ் (தயிர் பூரி).
இ) உப்பு ரொட்டி ( அரிசி பூரி )
நேரம் : 4 மணிநேரம் .
நபர்கள் : 5
தேவையானவை :
கோதுமை மாவு – 2கப்
தயிர் – 3/4 கப்
ரவா – 1/4கப்
சமையல் சோடா -1/4 தேக்கரண்டி
உப்பு – 1/2 தேக்கரண்டி
நெய் – 2 தேக்கரண்டி
எண்ணெய் – பொறிப்பதற்கு
செய்முறை :

அ) ஒரு பாத்திரத்தில் மாவு , உப்பு , ரவா ,சோடா சேர்த்து கலக்கிக்கொள்ளவும்.
ஆ) பின்பு அத்துடன் தயிர் சேர்த்து கலக்கவும்.

இ) இப்பொழுது மாவு உதிரி உதிரியாக இருக்கும் , இத்துடன் நெய் , தேவையானஅளவு தண்ணீர் சேர்த்து மிருதுவான உருண்டை பக்குவத்திற்கு பிசையவும்.
ஈ) சிறிது நெய் மேலே தடவி , 3 மணிநேரம் மூடிவைக்கவும் .
உ) 3 மணிநேரத்திற்கு பிறகு , மாவை சிறு உருண்டைகளாக்கி , சிறிது தடினமான பூரிகளாக தேய்க்கவும்.

ஊ) வாணலியில் எண்ணெய் சூடாக்கி , பூரிகளை இருபுறமும் உப்புமாறு பொறித்தெடுக்கவும்.

எ) பட்டுரா தயார் …கடலை கறி அல்லது உங்களுக்கு பிடித்தமான காரசாரமான மசாலாவுடன் பரிமாறலாம் . நான் பூண்டு காளான் மசாலாவுடன் பரிமாறினேன்..

குறிப்பு :
அ) சிறிய பட்டுராவாக தேய்க்கவும் , இதனால் எண்ணெய் அதிகமாக உறியாது .
ஆ) தடினமான பட்டுரா நன்றாக உப்பும்.

கார பூரி

TO VIEW IN ENGLISH : PLS CLICK

வணக்கம் ,
எப்பொழுதும் சாதாரண பூரி செய்யும் நமக்கு என்றாவது ஒரு நாள் அந்த பூரியில் எதாவது வித்யாசமாக செய்யலாம் என்று தோன்றும்.
எனக்கு அவ்வாறு தோன்றிய பொழுது இந்த ரெசிபி நினைவில் வந்தது .
இந்த ரெசிபி எனது சகோதரி ஹைதெராபாத்தில் வசித்தபொழுது அவரது தோழி அவருக்கு கற்றுத்தந்த ரெசிபியாகும் .எனக்கு ஒரு முறை சொல்லியிருக்கிறார் அனால் நான் இப்பொழுது தான் செய்தேன் .
சாதாரண பூரியை விடவும் இந்த காரபூரி சுவையாகவும் , வித்தியாசமாகவும் இருந்தது .
காரப்பூரி செய்முறை உங்களுக்காக ,
தேவையானவை :
கோதுமை மாவு – 1 1 / 2 கப்.
பெருங்காயம் – 1 / 8 தேக்கரண்டி .
மிளகு – 1 / 2 தேக்கரண்டி.
சீரகம் – 1 தேக்கரண்டி.
வரமிளகாய் – 2 .
கருவேப்பில்லை – சிறிது .
உப்பு – 1 தேக்கரண்டி.
தண்ணீர் – 3 / 4 கப்.
எண்ணெய் – பொரித்து எடுக்க.
செய்முறை :
௧) மிளகு , சீரகம் , மிளகாய் அனைத்தையும் பொடியாக அரைத்துக்கொள்ளவும்.
௨) ஒரு பாத்திரத்தில் கோதுமை மாவு , உப்பு , பெருங்காயம் , அரைத்த போடி ஆகியவற்றை சேர்த்து கலக்கவும்.

௩) அத்துடன் தண்ணீர் சேர்த்து கெட்டியான மாவு பதத்திற்கு பிசையவும்.

௪) பிசைந்த மாவை 15 நிமிடம் வைத்து அதன் பின்னர் சிறு உருண்டைகளாக உருட்டி வைக்கவும்.

௫) ஒவொரு உருண்டையையும் சிறிய ,தடிமனான தட்டைகளாக தேய்த்து சூடான எண்ணையில் இருபக்கமும் பொல்லும் வரை பொரித்து எடுக்கவும்.
௬) பொன்னிறமாக வெந்த பூரியை  எண்ணையை வடித்து சூடாக பரிமாறவும்.நான் தக்காளி முட்டை மசாலாவுடன் பரிமாறினேன் , நீங்கள் உங்கள் விருப்பம் போல் எந்த மசாலாவுடன் பரிமாறலாம் .


குறிப்பு :
௧) வரமிளகாய்க்கு பதில் பச்சை மிளகாயையும் சேர்க்கலாம்.
௨) உப்பு மற்றும் தண்ணீர் ஒவொரு மாவிற்கும் வேறுபாடும் அதனால் தேவையான அளவு சேர்க்கவும்.
௩) எண்ணெய் நன்றாக சூடான பின்பு பூரியை போடவும் , இல்லையென்றால் பூரி பொல்லாது மேலும் எண்ணெய் பிடிக்கும் .